Azərbaycanlı ata 4 yaşlı qızını partlatmaq istədi

Lent.az-ın Rusiya mətbuatına istinadən verdiyi məlumata görə, 47 yaşlı kişi hüquq-mühafizə orqanlarına zəng vuraraq, Usolye-Simbirsk şəhərinin mərkəzi meydanında saxladığı “Toyota Alion” markalı minik avtomobilində olan 4 yaşlı qızını partladacağını bildirib.

Şəhərdəki bütün milis dəstələri hadisə yerinə cəlb edilib. Federal Təhlükəsizlik Xidmətinin əməkdaşları da ora gəliblər. Ancaq əsəbiləşmiş ata ilə dialoq baş tutmayıb. 47 yaşlı kişinin ata və anası da övladlarını sakitləşdirmək üçün çağırılıblar. Ancaq bu da nəticə verməyib. Kişi maşını işə salıb, meydan ətrafındakı milis koridorunu yarmağa çalışıb.

Milis əməkdaşları arasında xəsarət alan yoxdur. Əsəbləri yerində olmayan ata saxlanıb və zərərsizləşdirilib. Müəyyən olunub ki, o, benzin bakında olan 10 litr benzinlə maşını partlatmaq istəyirmiş.

Faktla bağlı cinayət işi qaldırılıb. Atanı 3 il azadlıqdan məhrumetmə cəzası gözləyir.