15 il əvvəl Rusiyada 2 nəfəri öldürən azərbaycanlı saxlanılıb

“Qanuni oğru” Qoderzi Lomtadze və digər bir şəxsi öldürən Azərbaycan vətəndaşı, 37 yaşlı Qurbanov Rza İbrahimxəlil oğlu 15 il sonra saxlanılıb. Lent.az-ın “RİA Novosti” agentliyinə istinadən verdiyi məlumata görə, Rza Qurbanov 1995-ci ildə 5 nəfərlə birlikdə “qanuni oğru”, “Qoça” ləqəbli Qoderzi Lomtadzeni öldürüb.

Onlar “Qoça”nı Çitada avtomobildə boğub, sonra da meşədə basdırıblar.

Növbəti qətl hadisəsi 1995-ci ilin sentyabrında olub. Rza Qurbanov həmin şəxsin başına bir güllə vurub və onu da bir tanışı ilə birlikdə meşədə basdırıb.

Bu qətlləri törətdikdən sonra Rza Qurbanov Azərbaycana gəlib. 1996-cı ilə onun haqqında axtarış elan olunub. 2003-cü ildə saxta SSRİ pasportunu Rusiyanın Rastov vilayətində Hüseynov familiyası ilə Rusiya vətəndaşı pasportu ilə dəyişdirib və uzun illər bu ad altında gizlənib.