Restoranda müştəriləri tapança ilə hədələyən gənc tutuldu
13 aprel 2009 14:30 (UTC +04:00)

Restoranda müştəriləri tapança ilə hədələyən gənc tutuldu

Saxlanılan şəxs əvvəllər də məhkum olunub

Aprelin 12-də gecə saatlarında Kəpəz rayon Polis şöbəsi əməkdaşları keçirdikləri əməliyyat-axtarış tədbirləri nəticəsində restoranlardan birində müştərilərə tapança ilə hədə-qorxu gələrək xuliqanlıq edən Gəncə sakinini saxlayıb. Bu barədə Lent.az-ın Gəncəbasar müxbirinə Gəncə şəhər Polis İdarəsindən məlumat verilib. Məlumata görə, Gəncə sakini İlham Əhmədova məxsus “Qoşqar” restoranında xuliqanlıq edən, tapança ilə vətəndaşlara hədə-qorxu gələrək onları qorxudan 1979-cu il təvəllüdlü Quliyev Vüqar Zahid oğlu saxlanılaraq, istintaqa təhvil verilib.

Məlum olub ki, Gəncə sakini olan şəxs əvvəllər də Cinayət Məcəlləsinin 177-ci maddəsi ilə məhkum olunub.

Vüsalə Cənnətova
# 929

Oxşar yazılar