Lerikdə qısqanclıq zəminində qətl

Lerik rayonunda qısqanclıq zəminində qətl hadisəsi baş verib. Rayon prokurorluğundan Lent.az-a verilən məlumata görə, Lerik sakini bir neçə ay əvvəl qadın qohumuna sataşmış həmyerlisini bıçaqlayaraq öldürüb.

Məlumata əsasən, 38 yaşlı İdrak Vahabov 39 yaşlı Natiq Əliyevi çoxsaylı bıçaq zərbələri ilə öldürərək meyitini avtomobil yolunun kənarına atıb. Hadisə yerindən qaçan İ.Vahabov yaşadığı Bakı şəhərinə gələrək polisə təslim olub və işlədiyi cinayəti etiraf edib.

O bildirib ki, bir neçə ay əvvəl Natiq Əliyev onun qadın qohumuna sataşıb, indi həmin hadisənin intiqamını alıb.

Lerikdə hadisə yerindən mərhumun avtomobilinin də sıldırımdan düşərək parçalanmış “UAZ 469” markalı avtomobili tapılıb. Qətli törədən şəxs maşını atmadığını, Natiq Əliyevlə söhbət edən zaman avtomobilin özünün hərəkət edərək sıldırımdan düşdüyünü söyləyib.

Vüqar Baba