Balakəndə narkotika alverçisi saxlanıb

Bu barədə APA-nın Şəki-Zaqatala bürosuna Balakən rayon Polis Şöbəsindən məlumat verilib.

Balakən RPŞ-nin əməkdaşları “Xaş-xaş 2010” adı altında əməliyyat-axtarış tədbirləri çərçivəsində bu gün rayonun Qazma kənd sakini, 1977-ci il təvəllüdlü Əliyev Rasim Sıracəddin oğlunun yaşadığı evdə axtarış tədbirləri həyata keçiriblər. Keçirilmiş tədbirlər nəticəsində R. Əlievin yaşadığı evdə pəncərənin qarşısındakı gül qabının içərisindən 26 ədəd narkotik tərkibli bitki hesab edilən çətənə toxumuna oxşar kütlə, yataq otağında döşəyin altından isə polietilen torbaya bükülmüş 70 qram marixuana aşkarlanaraq götürülüb. R. Əliyev Balakən RPŞ-nin əməkdaşları tərəfindən saxlanılaraq polis şöbəsinə gətirilib. Faktla bağlı Balakən RPŞ-nin təhqiqat bölməsində araşdırma aparılır.