İngiltərə və Azərbaycan şirkətləri arasında məhkəmə çəkişməsi başladı

Avqustun 18-də 1 saylı Bakı Yerli İqtisad Məhkəməsində İngiltərə şirkəti “Murphy Shippinq and Commercial Services Limited” şirkətinin Azərbaycan firması “Merfi MMC” barədə qaldırdığı iddiaya baxılıb.

Lent.az-ın məlumatına görə, hakim Tahirə Əsədovanın sədrliyi ilə keçirilən prosesdə “Merfi MMC”-nin nümayəndəsi prosesə qatılıb və işlə tanış olmaq üçün məhkəmədən vaxt istəyib. Proses avqustun 25-də davam etdiriləcək.

“Murphy Shippinq and Commercial Services Limited” “Merfi MMC”-dən dəyəri 100 min dollarlarla ölçülən avtomobilləri və 5 milyon dollardan çox pul tələb edir.

Tələb olunan avtomobillərin dövlət qeydiyyatı Baş Dövlət Yol Polis İdarəsində aparıldığından bu qurum da iştirakçı qismində məhkəməyə çağırılıb.

“Merfi MMC” də öz növbəsində qarşılıqlı iddia qaldıraraq, həmin avtomobillərin özünə məxsus olduğunu və İngiltərə şirkətindən 3 milyon dollardan çox pul istəyir.

Fərid Əkbərov