Saxlanılan şəxs Binəqədi Polis İdarəsindən qaçıb

5-ci dəfə tutulan şəxs soyğunçuluqda təqsirləndirilir

İşgəncələrə Qarşı Azərbaycan Komitəsinin sədri Elçin Behbudov Binəqədi rayon Polis İdarəsinin Müvəqqəti Saxlanma Təcridxanasında monitorinq keçirib.

Komitə sədrinin APA-ya verdiyi məlumata görə, təcridxanada saxlanılan şəxslərin saxlanma şəraitindən şikayətləri yoxdur: “Orada 8 nəfər saxlanılırdı. Heç bir şikayətləri yoxdur”.

Hüquq müdafiəçisi Polis İdarəsinin Müvəqqəti Saxlanma Təcridxanasından bir nəfərin qaçdığını da bildirib. Onun sözlərinə görə, avqustun 15-də Məftun Musayev adlı şəxs təcridxanadan qaçıb. M.Musayevin Cinayət Məcəlləsinin 180-ci (soyğunçuluq) maddəsi ilə təqsirləndirildiyi və beşinci dəfə həbs olunduğu bildirilir.

Binəqədi rayon Polis İdarəsindən və rayon Prokurorluğundan APA-ya faktı təsdiqləyiblər. M. Musayevin tutulması ilə bağlı tədbirlər görülür.