Bərdədə 52 yaşlı kişi qonşusunu öldürdü

Bərdə rayonunda qətl hadisəsi baş verib. Baş Prokurorluğun mətbuat xidmətindən Lent.az-a verilən məlumata görə, iyulun 17-də saat 20.00 radələrində 1958-ci il təvəllüdlü Alışanov Akif Möhübbət oğlu məskunlaşdığı Bərdə rayon Uşaq xəstəxanasının həyətində şəxsi münasibətlər zəminində baş vermiş mübahisə zamanı qonşusu - 1959-cu il təvəllüdlü Bayramov Rza Allahverdi oğlunun döş qəfəsi, kürək və qarın boşluğu nahiyələrindən üç bıçaq zərbəsi vurub. Nəticədə R. Bayramov ağır bədən xəsarətləri ilə Mərkəzi Rayon Xəstəxanasına çatdırılsa da, onun həyatını xilas etmək mümkün olmayıb.

A.Alışanov qətli törətdikdən sonra Rayon Polis Şöbəsinə gələrək, törətdiyi cinayət hadisəsi barədə məlumat verib və təslim olub.

Faktla bağlı Azərbaycan Respublikası Cinayət Məcəlləsinin 120.1-ci maddəsi ilə cinayət işi başlayıb, araşdırma aparılır.

Fərid Əkbərov