Zəlimxan Yaqub bu gün əməliyyat olunacaq – EKSKLÜZİV

Azərbaycan Aşıqlar Birliyinin sədri, xalq şairi Zəlimxan Yaqub bu gün Türkiyədə əməliyyat olunacaq. Bu barədə Lent.az-a Zəlimxan Yaqub özü bildirib. Şair qeyd edib ki, problem onun böyrəyilə əlaqədardır. Əməliyyat Türkiyənin Amerikan Xəstəxanasında həyata keçiriləcək: “Böyrəyimdə şiş var, əməliyyatla onu götürəcəklər. Bunu da təzə bilmişəm. Əvvəl xəbərim yox idi. Son vaxtlar özümü nasaz hiss edirdim. Müayinədən sonra problemin nədə olduğu müəyyənləşdi. Amma hazırda özümü normal hiss edirəm. O qədər də ağrımıram”.

Z. Yaqubun sözlərinə görə, hazırda əməliyyata hazırlıq gedir. Yaxın vaxtlarda əməliyyat başlanacaq.

Xatırladaq ki, xalq şairi bundan öncə də bir neçə dəfə ürəyindən və böyrəyindən əməliyyat olunub.

Xəyalə Muradlı