İzmirdə əxlaqsızlıqla məşğul olan azərbaycanlı qadınlar yaxalanıb

İzmirdə xarici ölkə vətəndaşı olan qadınları fahişəlik etmək məqsədilə Türkiyəyə gətirməklə məşğul olan 39 nəfərlik qrup saxlanılıb.

Lent.az-ın “Milliyet” qəzetinə istinadən verdiyi məlumata görə, bu qrupun vasitəçiliyi ilə fahişəliklə məşğul olan 84-ü əcnəbi, 6-sı Türkiyə vətəndaşı olan 90 qadın da yaxalanıb.

6 ay izləmədən sonra 290 polisin iştirakı ilə 51 ev və 6 oteldə keçirilən əməliyyat zamanı saxlanılan qadınlar arasında Rusiya, Ukrayna, Qırğızıstan, Moldova, Özbəkistan, Azərbaycan və Belorus əsilli qadınlar var.

Xarici ölkə vətəndaşı olan qadınların çoxu universitet məzunudur, aralarında həkim, vəkil, iqtisadçılar var. Onlar pul qazanmaq məqsədilə Türkiyədə fahişəliklə məşğul olmağı üstün tutublar. Bu qadınlar cinayətkar qrupun vasitəçiliyi ilə 200-400 dollar qarşılığında fahişəliklə məşğul olurlarmış.