Hacıkənddə seldən zərərçəkən ailələr köçürüləcək

Vətəndaşların bir qismi Goranboyun Veyisli qəsəbəsinə köçürülə bilər

Mayın 10-da gecə saatlarında gələn sel nəticəsində zərər çəkmiş Hacıkənd qəsəbəsi Dostluq Düşərgəsində məskunlaşmış Kəlbəcərli məcburi köçkünlərin yeni evlərə köçürülməsi nəzərdə tutulur. Bu barədə Lent.az-ın Gəncəbasar müxbirinə Qaçqın və Məcburi Köçkünlərlə İş üzrə Dövlət Komitəsinin Gəncə şəhəri şöbəsinin rəisi Süleyman Abbasov məlumat verib. Onun sözlərinə görə, bu vətəndaşların bəziləri Goranboy rayonunun Veyisli qəsəbəsində istifadəyə verilən boş evlərdə yerləşdiriləcək. Digər ailələrin də köçürüləcəyi ərazi təyin edilir. Bunun üçün birinci növbədə vətəndaşların özünün razılığı olmalıdır.

Sel nəticəsində 32 ailəyə ziyan dəyib. Onların evləri qəzalı vəziyyətə düşüb.

Vüsalə Cənnətova