Qumara görə anasını və arvadını öldürdü

Bakının Nərimanov rayonunda dəhşətli qətl hadisəsi baş verib. Bu barədə Lent.az-a Nərimanov Rayon Prokurorluğundan məlumat verilib. Məlumatda bildirilib ki, rayonun Çermet qəsəbəsi, Valeh Əmirbəyov küçəsi ev 6-da yaşayan 1971-ci il təvəllüdlü Osmanov Elman Abdulla oğlu ailə münaqişəsi zəminində anası 1947-ci il təvəllüdlü Osmanova Akifə Seydulla qızını və həyat yoldaşı 1977-cü il təvəllüdlü Osmanova Aytəkin Eybala qızını bıçaqlayaraq öldürüb. Daha sonra E.Osmanov bıçaqla özünü öldürmək istəyib. Böğaz nahiyəsindən özünü ağır yaralayan E.Osmanov 5 saylı şəhər xəstəxanasına yerləşdirilib.

Hadisənin hansı səbəbdən törədildiyi araşdırılır.

Faktla bağlı Nərimanov Rayon Prokurorluğunda cinayət işi açılıb, araşdırma aparılır.

Fərid Əkbərov