Bu yay Bakıda təcili tibbi yardıma müraciət edənlərin sayı artıb

Bunu Lent.az-a açıqlamasında Bakı Şəhər Təcili və Təxirəsalınmaz Yardım Stansiyası baş həkiminin müavini Rauf Nağıyev bildirib. Rauf Nağıyev deyib ki, keçən ilin yayı ilə müqayisədə bu ilin yay aylarında Bakıda çağırışların sayı az olub. Keçən ilin yayında çağırışların sayı hər gün orta hesabla 1200 civarında olub, hətta 900-ə düşdüyü günlər də qeydə alınıb.

Bakı Şəhər Təcili və Təxirəsalınmaz Yardım Stansiyası baş həkiminin müavini nəzərə çatdırıb ki, bu il istilər başlayandan bu günə qədər 159 nəfəri gün vurub, 47 nəfər xəstəxanaya yerləşdirilib. 57 suda boğulma faktı baş verib, 28 nəfər həyatını itirib, 13 nəfər xəstəxanada yerləşdirilib.

Baş həkimin müavini bildirib ki, bu, təkcə bu ilin yayın daha isti keçməsi ilə bağlı deyil: “Bəlkə şəhərə miqrasiya edənlərin sayı artıb? Bu da ola bilər. Yəni bilavasitə havanın təqsirkar olduğunu söyləyə bilmərik”.

Rauf Nağıyev onu da vurğulayıb ki, ilin mövsümləri üzrə adətən qış aylarında çağırış və hadisələrin sayı artır: “Qışda nəqliyyat qəzaları, insanların yıxılması, sınma və digər hallar çoxalır. İnfeksion xəstəliklər də artır. Həm də qış aylarında insanlar daha çox şəhərdə cəmləşir. Bu da hadisə ehtimalını artırır. Çağırış sayı 1600-1700-ə çatır”.

Ramiz