“QAZ-24” daş hasara çırpıldı: 1 ölü

Bakı Şəhər Baş Polis İdarəsindən Lent.az-a verilən məlumata görə, avqustun 26-sı saat 11.00 radələrində Bülbülə qəsəbəsi S.Bəhlulzadə küçəsi 1-in qarşısında Fərhad Adıgözəlov idarə etdiyi “QAZ-24” markalı avtomaşını daş hasara vurub. Nəticədə F.Adıgözəlov ağır xəsarət alaraq 3 saylı xəstəxanaya yerləşdirilib. Lakin onun həyatını xilas etmək mümkün olmayıb.

Faktla bağlı araşdırma aparılır.

Fərid Əkbərov