Lənkəranda hərbi cinayətlərə görə axtarılan 3 nəfər tutulub
11 fevral 2010 14:30 (UTC +04:00)

Lənkəranda hərbi cinayətlərə görə axtarılan 3 nəfər tutulub

Lənkəran rayonunda 2009-ci ildə 374 cinayət faktı qeydə alınıb ki, bu da 2008-ci illə müqayisədə 30 fakt (8,7 %) çoxdur. Bu barədə Lent.az-ın bölgə müxbirinə Lənkəran şəhər Polis Şöbəsindən məlumat verilib.

Məlumatda bildirilir ki, hesabat dövründə Lənkəranda cinayət faktlarının 368-nin (95,8 %) üstü açılıb.

Qeyri-aşkar şəraitdə baş vermiş cinayət faktlarının sayı 115 təşkil edib ki, bunlardan da 98-nin (87,5 %) açılması təmin edilib.

Ötən il qeydə alınmış cinayət faktlarının 76-sı narkotiklərin qanunsuz dövriyyəsi ilə bağlı olub ki, (94,7 %-i açılıb) bu da 2008-ci illə müqayisədə 10 fakt çoxdur.

2009-cu ildə axtarışda olan 56 nəfərdən 34-ü (60,7%) tutulub. Hərbi cinayətlərlə əlaqədar 11 nəfər axtarışda olub. Onlardan da 3-ü tutulub.

Pərvanə Əli
# 317

Oxşar yazılar