Qardaşı oğlunu öldürmək üçün killer tutan azərbaycanlının məhkəməsi başladı

Lent.az-ın Rusiya mətbuatına istinadən verdiyi məlumata görə, Azərbaycan vətəndaşı 43 yaşlı Zahir Mustafeyev doğma qardaşının oğlunu oldürtmək istəyib.

Bir neçə il öncə qardaşı oğlu tərəfindən təhqir olunan əmi onu öldürtmək qərarına gəlib. O, bu işi görmək üçün killer tutub. Plana görə, qardaşı oğlu yaşadığı Balıqçılar prospektində skinhedlər tərəfindən beysbol dəyənəyi ilə öldürülməli və meyitin üzərinə qətlin nasisitlər (millətçilər) tərəfindən törədilməsinə işarə olan oyun kartları 8-lik “pik” və 8-lik “xaç” atılmalı imiş.

Lakin Z. Mustafayevin planı baş tutmayıb. Qətli törətmək üçün tutulan killer polisə zəng edərək plan barədə xəbər verib. Bundan sonra Z. Mustafayev tutulub.

Qeyd edək ki, Zahir Mustafayev Rusiya Federasiyası Cinayət Məcəlləsinin 105-ci (qəsdən adam öldürməyə hazırlıq) maddəsi ilə ittiham olunur.

Fərid Əkbərov