“Ermənilər belimə bomba qoyublar”
20 yanvar 2010 16:30 (UTC +04:00)

“Ermənilər belimə bomba qoyublar”

Yanvarın 19-da saat 11.30 radələrində naməlum şəxs Qax RPŞ-nin Növbətçi hissəsinə zəng edərək “məktəbə bomba qoyulub, bilirsinizmi?” deyərək telefonu qapadıb.


Lent.az DİN-in saytına istinadən xəbər verir ki, dərhal keçirilmiş əməliyyat-axtarış tədbirləri nəticəsində məlumat təsdiqini tapmayıb. Daxili İşlər Nazirliyi və Milli Təhlükəsizlik Nazirliyi əməkdaşlarının birgə keçirdikləri əməliyyat tədbirləri nəticəsində zəngin rayonun Qaşqaçay kənd sakini, 14 yaşlı R.T. tərəfindən edilməsi müəyyənləşib. Araşdırmalar aparılır.


Eyni gün 15.12 radələrində naməlum şəxs FHN-in “112” xidmətinə zəng edərək “ermənilər belimə bomba qoyublar” deyərək telefonu qapadıb. Məlumat DİN-in Növbətçi Hissələri İdarəetmə Xidmətinə ötürülüb. Dərhal keçirilmiş əməliyyat tədbirləri nəticəsində məlumat təsdiqini tapmayıb. Aparılmış araşdırmalar zamanı zəngin Beyləqan rayon sakini, 22 yaşlı Mirani Xəlilov tərəfindən edilməsi müəyyənləşib.


Hər iki fakt araşdırılır.
# 518

Oxşar yazılar