Dələduz tələbə makleri məhkəmə qarşısında

Lent.az-ın məlumatına görə, hakim Eynulla Vəliyevin sədrliyi ilə keçirilən prosesdə dövlət ittihamçısı ittiham aktını elan edib. İttihama görə, təqsirləndirilən Firdovsi Məmmədov Ceyhun Məmmədov adlı şəxsin qızını ali məktəbə düzəltmək adı ilə aldadaraq ondan 17 min manat alıb. C.Məmmədovun şikayəti əsasında F.Məmmədov tutulub.

Elan olunmuş ittiham üzrə özünü təqsirli bilən F.Məmmədov aldığı 17 min manatı geri qaytara biləcəyini söyləyib.

Daha sonra zərərçəkmiş C. Məmmədov ifadə verib.

Proses sentyabrın 3-də şahid ifadələri ilə davam etdiriləcək.

Qeyd edək ki, Firdovsi Məmmədov Azərbaycan Respublikası Cinayət Məcəlləsinin 178.3.2-ci (dələduzluq külli miqdarda törədildikdə) maddəsi ilə ittiham olunur.

Fərid Əkbərov