Ərdoğan da I Beynəlxalq Xəzər Forumunun mükafatçısı olub

Türkiyədə keçirilən I Beynəlxalq Xəzər Forumunun mükafatları təqdim olunub.

APA-nın Türkiyə bürosunun verdiyi xəbərə görə, Beynəlxalq Xəzər Forumunun “İlin sənətçisi” nominasiyası üzrə mükafatına pianoçu Anjelika Əkbər layiq görülüb.

“Ilin idmançısı” nominasiyası mükafatına 2012-ci ildə Londonda keçirilən Paraolimpiya oyunlarının qalibi Nəzmiyyə Musluya təqdim olunub.

İsveçli alim Stiven Korol, Xəzər regionuna dair apardığı əsaslı elmi araşdırmalara görə “İlin tədqiqatçısı” mükafatına layiq görülüb
.
“İlin layihəsi nominasiyası”nın qalibi TANAP proyekti olub. Bu nominasiyasının mükafatı ARDNŞ-nin prezidenti Rövnəq Abdullayevə və Türkiyənin enerji və təbii sərvətlər naziri Taner Yıldıza təqdim edilib.

Son nominasiya olan “İlin dövlət xadimi” mükafatına isə Türkiyənin baş naziri RəcəpTayyip Ərdoğan layıq görülüb.