Milli Ordunun nümunəvi zabiti niyə öldürüldü? – TƏFƏRRÜAT - YENİLƏNİB
31 oktyabr 2012 14:39 (UTC +04:00)

Milli Ordunun nümunəvi zabiti niyə öldürüldü? – TƏFƏRRÜAT - YENİLƏNİB

Oktyabrın 30-da Şirvan şəhərində baş vermiş qətl hadisəsi ilə bağlı bəzi məqamlar məlum olub. Lent.az-ın məlumatına görə, Şirvan şəhərində 1963-cü il təvəllüdlü Abdullayev Məharət Əbülfəz oğlunun ov tüfəngi ilə güllələyərək qətlə yetirdiyi 32 yaşlı Kakavan Fərid İnqilab oğlu Azərbaycan Ali Hərbi Məktəbində çalışırmış.

Məlumata görə, F.Kakavan ali hərbi təhsilini Türkiyədə alıb, bir sıra ölkələrə müasir hərb elminə yiyələnib. Bundan sonra isə F.Kakavan Ali Hərbi Məktəbdə xidmətə başlayıb. Burada o, kapitan rütbəsinə və bölük komandiri vəzifəsinədək irəli çəkilib.

Hadisə baş verən F.Kakavan həmyerlisi A.Məhərrəmovla görüşüb. A.Məhərrəmov hərbçinin atasının ona borcu olduğunu bildirib. Lakin tərəflər məsələni həll yolunu tapa bilməyiblər və münaqişə yaranıb. A.Məhərrəmov öncədən gətirərək gizlətdiyi ov tüfəngi ilə yaxın məsafədən K.Kakavana atəş açıb. İkinci xəstəxanaya aparılarkən yolda ölüb.

Lent.az-ın əldə etdiyi digər məlumata görə, F.Kakavanın atası İnqilab Kakavan Şirvan şəhərində sayılıb-seçilən ziyalılardan olub. O, uzun illər məktəb direktoru işləyib. Hadisə isə İnqilab Kakavanın M.Abdullayevə olan 380 manat borcuna görə baş verib. Belə ki, M.Abdullayev tikinti materiallarının satışı ilə məşğuldur və Salyan yolunun kənarında onun böyük obyekti var. M.Abdullayev oktyabrın 30-da Şirvanın tikinti materialları bazarında F.Kakavanla rastlaşıb və atasının ona borclu olduğunu deyib. Borc söhbəti sonradan münaqişəyə çevrilib və M.Abdullayev hərbçini atəş açaraq öldürüb. Hadisə şahidlərinin bildirdiyinə görə, iş adamı hərbçiyə tapançadan 2 atəş açıb.

Fakt üzrə cinayət işi başlanılıb, araşdırmalar davam etdirilir.


31 Oktyabr 2012 09:56


Oktyabrın 30-da Şirvan şəhərində dəhşətli qətl hadisəsi törədilib. Şəhər Prokurorluğundan Lent.az-a verilən məlumata görə, 1963-cü il təvəllüdlü Abdullayev Mərhəmət Əbülfəz oğlu həmyerlisi 1980-ci il təvəllüdlü Kavakan Fərid İnqilab oğlunu güllələyərək qətlə yetirib. M.Abdullayev 32 yaşlı F.Kavakanı ov tüfəngində açdığı atəşlə vurub. İkinci hadisə yerində dünyasını dəyişib.

M.Abdullayev tutulub. Fakt üzrə cinayət işi başlanılıb.

Qətlin səbəbləri hələlik açıqlanmır.

Nizam RZA
# 10630

Oxşar yazılar