Qəhrəmanlar unudulmur - Milli Qəhrəman Səfəralı Məmmədov

Lent.az da bu təşəbbüsə qoşulur və Milli Qəhrəmanların doğum günlərində onlar haqqında məlumatları dərc edir.

Qəhrəmanlar unudulmur!

Səfəralı Qurban oğlu Məmmədov 1963-cü il oktyabrın 16-da Masallı rayonu Sərçuvar kəndində anadan olub. O, polis (milis) leytenantı kimi 1990-cı ildə könüllü olaraq cəbhə bölgəsinə - Ağdam istiqamətinə gedib, vzvod komandiri təyin olunub, Fərrux, Ağbulaq, Qarakənd ərazilərində uğurlu əməliyyatlar keçirib, düşmənin çox sayda yaraqlısını əsir götürüb. 1992-ci il fevralın 16-da Qaradağlı kəndinin müdafiəsində qəhrəmanlıqla həlak olub. 1992-ci il iyunun 6-da Milli Qəhrəman adı alıb. Masallı rayonu Sərçuvar kəndində dəfn edilib. Masallı şəhərində küçələrdən biri və oxuduğu məktəb onun adını daşıyır.