Türkiyədə azərbaycanlı iş adamı girovluqdan qaçıb

Lent.az-ın Türkiyə mətbuatına istinadən verdiyi məlumata görə, topdan çanta satışı ilə məşğul olan Asəf Əliyev adlı iş adamı ticarət əlaqələri qurduğu bir nəfərin dəvəti ilə 5 gün əvvəl tətil üçün Antalyaya gedib. Asəf Əliyev otelə yerləşib və 3 gün əvvəl Göksel G. ilə yeməyə çıxıb, bir daha geri qayıtmayıb. Asəf Əliyevin ailəsinə iş adamının qaçırıldığı bildirilib və azadlığa buraxılması üçün ailəsindən 60 min dollar istənilib. Asəf Əliyev isə saxlanıldığı bir dağ kəndindəki evdən bağlı əllərini və ayaqlarını açaraq qaçmağa nail olub. İş adamı bir müddət meşədə gizlənib, sonra isə Alaniyanın Asmaca kəndinə gələrək bir kəndlidən yardım istəyib.
Kəndli jandarma müraciət edib və Asif Əliyev müayinədən keçirildikdən sonra jandarm şöbəsinə gətirilib. Asəf Əliyevin ifadəsi əsasında Göksel G. və Erhan O. saxlanılıb. Onlar iifadələrində Asəf Əliyevlə aralarında borc məsələsi olduğunu söyləyib, onu qaçırmadıqlarını iddia ediblər. Göksel G. və Erhan O. prokurorun təlimatı ilə sərbəst buraxılıb. Araşdırma aparılır.