Fransa səfirliyi qarşısında saxlanan 8 nəfər buraxılıb
29 sentyabr 2012 14:44 (UTC +04:00)

Fransa səfirliyi qarşısında saxlanan 8 nəfər buraxılıb

Nazirliyin mətbuat xidmətinin şöbə rəisi Orxan Mansurzadə APA-nın sorğusuna cavabında bildirib ki, bu gün Bakıda Fransa səfirliyi qarşısında bir qrup şəxsin qanunsuz aksiya keçirmək cəhdinin qarşısı alınıb. Bu zaman ictimai qaydanı pozduğu üçün 8 nəfər saxlanılaraq Səbail rayon Polis İdarəsinə aparılıb. Onlardan 3-ü inzibati qaydada cərimə olunub, digər 5 nəfər isə xəbərdarlıq edildikdən sonra sərbəst buraxılıb.

Qeyd edək ki, Azərbaycan İslam Partiyasının (AİP) bir qrup üzvü Fransanın Azərbaycandakı səfirliyinin qarşısında etiraz aksiyası keçirməyə cəhd edib. Polis tərəfindən piketin qarşısı alınıb. Aksiya iştirakçıları Fransada nəşr olunan jurnalda İslam Peyğəmbərinin (s.) karikaturasının çap edilməsinə və ümumiyyətlə Qərbdəki islamofobiyaya etiraz ediblər.
# 746

Oxşar yazılar