Prokurorluqdan Sevinc Babayevanın həbsi xəbərinə münasibət-YENİLƏNİB
27 sentyabr 2012 23:05 (UTC +04:00)

Prokurorluqdan Sevinc Babayevanın həbsi xəbərinə münasibət-YENİLƏNİB

Baş Prokurorluq Sevinc Babayevanın həbs edilməsi barədə yayılan informasiyalara münasibət bildirib.

Qurumun mətbuat xidmətinin rəhbəri Eldar Sultanov APA-nın sorğusuna cavabında qeyd edib ki, bəzi KİV-də M.Ə. Sabir adına kitabxana-klubun direktoru Sevinc Babayevanın həbs olunması barədə yayılan məlumatlar həqiqətə uyğun deyil: “Bu məlumat doğru deyil və tərəfimizdən təkzib olunur”.

E. Sultanov həmçinin KİV nümayəndələrinə müraciət edərək, onları hadisələri qabaqlamamağa və səbirlilik nümayiş etdirməyə çağırıb.

Xatırladaq ki, sentyabrın 25-də internetdə E. Abdullayev, deputat Gülər Əhmədova və Sabir adına Kitabxananın direktoru Sevinc Babayeva ilə bağlı video material yayılıb. Video materialda deputatla sabiq rektor və vasitəçi kimi təqdim olunan S. Babayeva arasında E. Abdullayevin Milli Məclisin üzvü seçilməsi üçün yüksək məbləğdə rüşvət verməsi, ondan əlavə məbləğ istənilməsi barədə dialoq əksini tapıb. Dialoqda yüksək vəzifəli şəxslərin də adı çəkilib.


***
Qeyri-rəsmi məlumata görə, millət vəkili Gülər Əhmədova ilə ABU-nun rektoru Elşad Abdullayevin məlum olayda vasitəçilik edən Sevinc Babayeva həbs olunub.

Aznews xəbər verib ki, axşam saatlarında daxil olduğu üçün rəsmi qurumlarla əlaqə saxlayıb təfərrüatları öyrənmək mümkün olmayıb.

Xatırladaq ki, Azərbaycanda fəaliyyəti dayandırılmış Beynəlxalq Universitetinin rektoru, hazırda Fransada yaşayan Elşad Abdullayevin deputat Gülər Əhmədova ilə bağlı yayınladığı video ölkə gündəmini zəbt edib. Sentyabrın 25-də internetdə açıqlanan videoda Sabir adına Kitabxananın direktoru Sevinc Babayeva da görüntülənib. Videomaterialda deputatla sabiq rektor və vasitəçi kimi təqdim olunan S. Babayeva arasında E. Abdullayevin Milli Məclisin üzvü seçilməsi üçün yüksək məbləğdə rüşvət verməsi, ondan əlavə məbləğ istənilməsi barədə dialoq əksini tapıb.
# 4773

Oxşar yazılar