Zelenski Kiyev aeroportunda müşavirə keçirdi

Münhen Təhlükəsizlik Konfransından qayıdan Ukrayna prezidenti Volodimir Zelenski Kiyevin Borispol aeroportunda güc strukturlarının rəhbərləri ilə müşavirə keçirib.

Lent.az-ın xəbərinə görə, bu barədə Ukrayna Prezidentinin Ofisi məlumat yayıb.

Bildirilib ki, dövlət başçısı müdafiə və təhlükəsizlik strukturlarının rəhbərlərinin hesabatlarını dinləyib. Prezident ordunun döyüş hazırlığı vəziyyəti barədə də məlumat alıb. Müşavirə iştirakçıları hadisələrin mümkün inkişaf ssenarilərini müzakirə edərək hər bir konkret situasiya üzrə atılacaq addımları müəyyənləşdiriblər. Prezident ordunun maddi-texniki təchizatını gücləndirməyi tapşırıb.