Bir qrup naməlum silahlı paytaxt Sanada Yəmənin baş naziri Məhəmməd Basindvanın olduğu avtomobil karvanını atəş tutub.
Lent.az-ın «BBC»-yə istinadən məlumatına görə, baş nazirin müşaviri bildirib ki, sui-qəsd nəticəsində xəsarət alan olmayıb.
Basqın avqustun 31-də gecə saatlarında hökumət başçısı işdən evə gedərkən baş verib.
Xatırladaq ki, Avqustun əvvəlində bir sıra qərb dövlətləri «əl-Qaidə»-nin terror törədəcəyi təhlükəsi üzündən Yəməndəki səfirliklərini müvəqqəti olaraq, bağlayıb.
Avqustun 21-də isə Yəmənin liman şəhəri Ədənədə şəhər kəşfiyyat idarəsinin başçısı polkovnik Əli Hadi qətlə yetirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
