Rusiyanın Krasnoyarsk diyarında 39 yaşlı kişi uşaqlarını və arvadını, sonra isə özünü güllələyib.
APA-nın xəbərinə görə, Rusiya İstintaq Komitəsinin Region üzrə İdarəsinin saytında yanvarın 24-də yerləşdirilən məlumatda bildirilir ki, kişinin, onun 38 yaşlı hamilə arvadının, 17 və 9 yaşlı övladlarının meyitləri Artyomovsk şəhərində fərdi yaşayış evlərindən birində yanvarın 23-də qohumları tərəfindən aşkarlanıb.
İstintaqın versiyasına görə, iş adamı olan ev sahibi yaxınlarını yatdıqları yerdə güllələyib. Ballistik, genetik və məhkəmə-tibbi ekspertizalar təyin olunub. Ehtimal olunur ki, kişi ailə üzvlərinə 16 mm çaplı qoşalülə tüfəngdən atəş açıb.
Bəzi məlumatlara görə, cinayətin səbəbi meşəçilik sahəsində bizneslə məşğul olan kişinin külli miqdarda kredit borcunu qaytara bilməməsi və maddi çətinlik çəkməsi ola bilər.
Faktla bağlı cinayət işi başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
