Ukraynada yüksək rütbəli hərbçi həlak olub

İyulun 11-də səhər Ukraynanın Luqansk vilayətində - Rusiya ilə sərhəddə terrorçuların “Qrad” qurğularından açdığı atəşlər nəticəsində 4 sərhədçi həlak olub.

APA-nın “censor.net” saytına istinadən verdiyi xəbərə görə, bu barədə Ukrayna Dövlət Sərhəd Xidməti məlumat yayıb.

Həlak olanlar arasında Ukrayna Dövlət Sərhəd Xidmətinin Şərq regional idarəsinin rəis müavini İqor Momot da var. İ. Momot ölkənin şərqində vəziyyətin gərginləşdiyi ilk günlərdən dövlət sərhədinin mühafizəsi və müdafiəsi ilə məşğul olub.