Türkiyənin Xarici İşlər Nazirliyi Ukraynadakı böhranda bağlı bəyanat yayıb. Lent.az-ın «İTAR-TASS»-a istinadən məlumatına görə, nazirlik Kiyevi yaranmış vəziyyətin demokratik prinsiplər və konsensus yolu illə həllinə çağırıb.
«Biz ümid edirik ki, qonşumuz və strateji tərəfdarımız Ukraynada yaranmış siyasi böhran bütün tərəflərin iştirakı ilə demokratik prinsiplər və konsensus əsasında həll olunacaq. Ana Yasa çərçivəsində xalqın birliyi və ərazi bütövlüyü əsasında çıxış yolu axtarılması indi ən vacib məsələdir»-deyə, bildirilib.
XİN Krımdakı şəraiti də şərh edib: «Biz Krım Muxtar Respublikasındakı tatar soydaşlarımızdan və bütün tərəflərdən müdriklik və dözümlülük gözləyirik».
Nazirliyi onu da bildirib ki, Ukrayna xalqının qanuni tələbləri əsasında istənilən demokratik qərarı Türkiyə dəstəkləməyə davam edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
