Suriya İslam Məclisi “İŞİD” haqda fitva verib

Suriya İslam Məclisi (SİM) “İraq Şam İslam Dövləti” ilə bağlı yazılı açıqlama yayıb.

Lent.az-ın Anadolu Agentliyinə istinadən məlumatına görə, məclis bildirib: “İŞİD-in sünniliklə heç bir əlaqəsi yoxdur”. SİM-in bəyanatında bu yaraqlıların Suriyada da insanlara zülm verdiyi vurğulanıb.

Məclis İŞİD-in insan haqlarını pozduğunu, inqilaba qarşı fəaliyyət göstərdiyini və “kəşfiyyat təşkilatları ilə əlaqəli olduğu”nu bildirib.

SİM-in bəyanatında aşağıdakılar da vurğulanıb: “Kəşfiyyat agentləri, müxaliflərin arasına sızaraq Suriya inqilabını məqsədindən sapdırmağa çalışıb, bu hədəflərinə çata bilmədiklərini görüb, “İŞİD” adı altında müxalifətdən ayrılaraq, suriyalı inqilabçılara hücuma başlayıblar. Ona görə də “ İŞİD”-a qarşı savaşmaq bütün müsəlmanlara vacibdir”.

Mənbə xatırladıb ki, SİM Suriyanın ictimai xadimləri, etnik qrupların təmsilçiləri, müxalifət qrupların dini xadimləri tərəfindən 121 nümayəndə və 21 təmsilçidən formalaşıb.

“İslam Məclisi”-nin üzvləri arasında, Şeyx Memduh Cüneyt, doktor Əbdülkərim Bekkar, djoktor Hüseyn Əbdülhadi, doktor Fida Məczub, Şeyx Yasir əl -Masaddi kimi Suriyada tanınan şəxslər var.

Məclisini başçısı suriyalı islam alimi Üsamə Rifahidir.