Səudiyyə Ərəbistanının kralı Abdullah Türkiyənin baş naziri Rəcəb Tayyib Erdoğanın oğluna 100 milyon dollar pul ayırıb. Lent.az-ın sozcu.com.tr-yə istinadən məlumatına görə, Bilal Erdoğana məxsus “TÜRGEV” təşkilatına ərəb kralı tərəfindən külli miqdarda pul bağışlanıb.
Bildirilir ki, bir neçə il əvvəl krala təqdim edilən layihə 2 il əvvəl Səudiyyə kralı tərəfindən bəyənilib və bu layihənin icrasına pul ayrılmasına qərar verilib.
Qeyd edək ki, baş nazir Ərdoğanın oğlu “TÜRGEV” təşkilatından bir müddət əvvəl istefa verib və bu vəzifənin icrası Arzu Akalıma tapşırılıb. A.Akalım mediaya açıqlamasında pulun kral tərəfindən bağışladığını, amma bu vəsaitin layihənin qəbuluna heç bir aidiyyatı olmadığını bildirib.
Onu da qeyd edək ki, bu barədə ilk olaraq Türkiyənin ana müxalifət partiyası olan CHP-nin rəhbəri Kamal Kılıcdaroğlu danışıb. Bundan sonra türk mediası iddialarla bağlı araşdırmalar aparıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
