Sabah Gürcüstanda II tur seçkiləri keçiriləcək

Sabah Gürcüstanda parlament seçkilərinin ikinci turu keçiriləcək. APA-nın Gürcüstan bürosunun məlumatına görə, ikinci tur çərçivəsində 50 Seçki Dairəsi üzrə deputatlığa namizədlərə səs veriləcək. Məlumata görə, seçkilərdə partiyalar yox, onların irəli sürdüyü konkret namizədlər yüksək səs qazanmaq üçün mübarizə aparacaqlar.

Qeyd edək ki, seçkilərdən sonra Gürcüstan parlamentinin 2016-2020-ci illərdə fəaliyyət göstərəcək Gürcüstan parlamentinə üzv olan partiyalar artıq məlumdur. Seçkilər başa çatdıqdan sonra yeni parlamentin işində “Gürcü Arzusu-Demokrtik Gürcüstan”, “Vahid Milli Hərəkat” partiyaları və “Vətənpərvərlər Alyansı” bloku iştirak edəcəklər.

Gürcüstan Mərkəzi Seçki Komissiyasından (MSK) bildirilib ki, “Gürcü Arzusu-Demokrtik Gürcüstan”partiyası parlamentdə iştirak etmək üçün 67 yer qazanıb. Bu partiyaya qanunverici orqanda rəhbəredici partiya statusunu almaq üçün minimum 9 yer lazımdır. Lakin “Gürcü Arzusu” partiyası parlamentdə minimum 113 yer qazanmaq və konstitusiya çoxluğu əldə etmək üçün 46 dairənin seçki məntəqələrində qələbə qazanmağı planlaşdırıb.

Millətçilik baxışları ilə seçilən “Vətənpərvərlər Alyansı” bloku 5%-lik baryeri keçib və parlamentdə 6 yer əldə edib. Artıq yeni seçiləcək parlamentdə heç nə dəyişilməyəcək.

Xatırladaq ki, 8 oktyabr parlament seçkilərinin Marneulidəki 36-cı daiirədə deputatlığa namizəd irəli sürülən Əhməd İmamquliyev və Tamaz Naveriani birinci turun yekununda qələbə qazana bilməyib və onlar sabah II turda eyni dairənin 48 saylı seçki məntəqəsində keçiriləcək seçkilərdə mübarizə aparacaqlar.

Bu arada “Vahid Milli Hərəkat” partiyası seçkilərdə daha səmərəli iştirak etmək üçün “+1” hərəkət planı hazırlayıb. Bu formula görə, hər bir partiya tərəfdarı “Vahid Milli Hərəkat” partiyasına səs vermək üçün özündən başqa səsverməyə bir nəfər gətirməlidir.

Qeyd edək ki, sabah keçiriləcək seçkilərdə iştirak edəcək 50 dairənin 47-də “Gürcü Arzusu”nun əsas rəqibi “Vahid Milli Hərəkat” partiyası olacaq.

Məlumata görə, artıq iki partiyadan irəli sürülən müxalifət nümayəndələri olan deputatlığa namizədlər seçkilərdə iştirak etməkdən imtina ediblər. Gürcüstanın eks müdafiə naziri İrakli Alasaniya və “Vahid Milli Hərəkat” partiyasının Zuqdididə mübarizə aparan namizədi Sandra Rulovs seçkilərdən imtina etsələr də onların adı seçki siyahısında gedəcək. MSK-dan bildirilib ki, əgər onlar səsvermə zamanı çox səs toplayarlarsa, hər iki imtina edən namizəd rəsmi şəkildə deputat mandatından imtina edəcəklər və bundan sonra həmin dairələrdə təkrar seçki keçiriləcək.

Məlumata görə, bu günlərdə uzun müddət seçki məntəqələrində müşahidəçilər qrupuna rəhbərlik etmiş Beynəlxalq Respublika İnstitutu (İRİ) Gürcüstanın MSK-sına, siyasi partiyalara, vəzifəli şəxslərə və hüquq müdafiəçilərinə tövsiyələrlə müraciət edib. İ və İİ tur dövrünü əhatə edən müraciətdə seçki komissiyalarına çox işləmək, seçki günü gərginlik yaratmamaq və MSK-ya etibar etmək tövsiyəsi edilib.