Rusiya Elmlər Akademiyası ləğv edilib

Sentyabrın 27-də Rusiya prezidenti Vladimir Putin Rusiya Elmlər Akademiyasında islahatların aparılması ilə bağlı federal qanunu imzalayıb.

Lent.az-ın «interfaks»-a istinadən məlumatına görə, bundan başqa Putin «Federal elmi agentliklər təşkilatı haqqında» fərmanı da təsdiqləyib.

Həmin sənəddə bildirilib: «Federal Elmi Agentliklər Təşkilatı rəhbərliyinin fəaliyyətini Rusiya Federasiyası hökuməti gerçəkləşdirir; Federal elmi agentliklər təşkilatının rəhbəri Rusiya Federasiyasının prezidenti ilə razılaşdırılaraq, Rusiya hökuməti tərəfindən təyin edilir».

Xatırladaq ki, sentyabrın 18-də akademiyanın bir neçə yüz əməkdaşı Rusiya parlamentinin binası qarşısında qanun layihəsinə etiraz aksiyası keçirib. Alimlər və bu islahatın tənqidçiləri akademiyanın əmlakını məmurların dağıdacağından ehtiyat etdiklərini də bildiriblər.