Rusiya Daxili İşlər Nazirliyinin Baş İdarəsi Moskvada saxta əskinaslar hazırlamaqla məşğul olan cinayətkar qrup aşkarlayıb.
Lent.az-ın İTAR-TASS agentliyinə istinadən verdiyi məlumata görə, 3 nəfərdən ibarət qrupun üzvlərindən biri Azərbaycan vətəndaşı, ikisi isə Dağıstan sakinidir.
Hüquq-mühafizə orqanları əməliyyat zamanı 5 min saxta əskinas aşkarlayıb. Polis cinayətkar qrupu ifşa etmək üçün əməliyyat hazırlayıb. Polis əməkdaşlarından biri müştəri qismində 6 min saxta rublu 50 faiz nominal dəyəri ilə almaq barədə qrup üzvləri ilə razılığa gəlib. “Marksistskaya” metrosu yaxınlığındakı ticarət mərkəzində görüş təyin edilib. Saxta əskinaslar təhvil verilən zaman cinayətkar qrupun üzvləri saxlanılıb. Hadisə ilə bağlı cinayət işi açılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
