İzmirdə məhkəmə önündə terror: 2 şəhid, 11 yaralı var - YENİLƏNİB

İzmirdə məhkəmə binasında baş verən partlayışda 1 polis və məhkəmə əməkdaşı şəhid olub.

Lent.az-ın sözcü.com.tr-yə istinadən məlumatına görə, hadisə zamanı 1 polis, 1 isə məhkəmə əməkdaşı ölüb, 11 nəfər mülki vətəndaş isə yaralanıb. Yaralılar qısa bir müddətdə xəstəxanaya çatdırılıb.

Hadisə yerində geniş miqyaslı əməliyyat aparılır. Terroristlərdən ikisi öldürülüb, birinin isə axtarışı davam etdirilir.

****

17:54

Polisin mühafizə otağına çırpılan bombalı yüklənmiş maşının partlamasının ardından baş verən atışmada iki terrorçu öldürülüb. Biri isə hazırda axtarılır. İlkin məlumata görə, hadisə nəticəsində 3 nəfər yaralanıb.

Türkiyədə hadisənin yayımlanmasına müvəqqəti senzura tətbiq edilib.

17:37

İzmirdə məhkəmə binasının qarşısında partlayış baş verib.

Lent.az-ın sözcü.com.tr-yə istinadən məlumatına görə, Bayraklı küçəsində olan məhkəmənin hakim və prokurorların istifadə etdiyi qapısında bombalı hücum həyata keçirən terrorist öldürülüb.

İlkin məlumatda o da qeyd olunub, məhkəmə yaxınlığında avtomobildə də partlayış baş verib.

Hazırda hadisə yerinə çox sayda hüquq-mühafizə orqanın əməkdaşları və təcili yardım maşınları göndərilib.

İzmir’de adliye yakınlarında patlama by Sozcu