"Ebola" 5 minə yaxın insanın canını aldı
25 oktyabr 2014 17:25 (UTC +04:00)

"Ebola" 5 minə yaxın insanın canını aldı

Dünyada Ebola virusundan ölənlərin sayı 4922-yə çatıb. Lent.az-ın Rusiya mətbuatına istinadən verdiyi məlumata görə, virusa yoluxanların sayı isə 10 min nəfəri keçib. Daha dəqiq desək, dünyada 10141 insan Ebola daşıyıcısıdır.

Qeyd edək ki, Ebolaya yoluxmuş insanların böyük qismi Qvineya, Liberiya və Syerra-Leone ölkələrinin payına düşür. Ən ağır vəziyyət isə Liberiyadadır. Belə ki, ölkənin demək olar ki, bütün ərazisində Ebolaya yoluxmuş insanlara rast gəlmək mümkündür. Digər ölkələrdə də bu virusun daşıyıcıları qeydə alınıb. Nigeriya və Seneqalda hələlik xəstəlik böyük ölçüdə yayılmayıb. İspaniyada Ebola virusuna yoluxmuş 1 nəfər sağalıb, 83 nəfər isə həkim nəzarəti altındadır. ABŞ-da 1 nəfər Eboladan dünyasını dəyişib, 262 nəfər isə nəzarətdədir. Malidə 2 yaşlı qızın həyatına Ebola son qoyub, 43 nəfər isə bu virusa yoluxub. 

# 603
avatar

Tengiz Məmmədov

Oxşar yazılar