BƏƏ Suriyaya görə İran və Türkiyəni ittiham etdi

İran və Türkiyə Suriyanın suverenliyini zəiflətməyə çalışırdı. APA-nın “RİA Novosti”yə istinadən verdiyi xəbərə görə, bu barədə Birləşmiş Ərəb Əmirliklərinin XİN rəhbəri Abdulla bin Zeyid əl Nahayan bildirib.

Onun sözlərinə görə, İran və Türkiyə münaqişəyə müdaxilə etməyə son qoymalıdır: “Suriya problemi daxili siyasi vəziyyətlə yanaşı xarici qüvvələrin müdaxiləsi nəticəsində yaranıb. Xüsusən, İran və Türkiyə Suriyanın suverenliyini zəiflətməyə çalışırdı, onlar münaqişəyə müdaxilə etməyə son qoymalıdır”.