Böyük Britaniyanın baş naziri Tereza Mey onun baş nazir postunda qalıb-qalmaması ilə bağlı spekulyasiyalara son qoymağa çağırıb.
APA-nın xəbərinə görə, bu barədə baş nazir “ITV News” telekanalına müsahibəsində bildirib.
“Gələcəyim ilə bağlı bir çox mülahizələr irəli sürülür, lakin mən istefaya getməyi planlaşdırmıram. Vəzifəmdə uzun müddət qalmaq niyyətindəyəm”, deyə T.Mey vurğulayıb.
“Independent” qəzetinin sorğusuna əsasən, britaniyalıların 45% T.Meyin siyasətindən narazıdırlar. Respondentlərin bir çoxu hesab edir ki, baş nazir 2022-ci ilin parlament seçkilərinədək istefa verməli olacaq. Hazırda T.Meyin fəaliyyətini britaniyalıların 29%-i dəstəkləyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
