ABŞ və AEBA Dəməşqdən nüvə obyektlərinin açılmasını da istəyir

ABŞ Suriyadan yalnız kimyəvi obyektləri deyil, nüvə proqramını da açıqlamasını istəyib.

Lent.az-ın «RİA Novosti»-yə istinadən məlumatına görə, bu haqda «Vaşinqton post» qəzeti xəbər yayıb.

Atom Enerjisi üzrə Beynəlxalq Agentlikdəki (AEBA) ABŞ-ın daimi nümayəndəsi Cozef Makmanus qurum rəhbərliyinin Vyanada keçirilən iclasında bildirib.

Mənbənin məlumatına əsasən, amerikalılar Suriyanın 3 nüvə obyektinə çıxışa nail olmaq istəyir. Onlardan biri Deyr-əz-Zoedəki nüvə kompleksidir. Həmin müəssisə 2007-ci ildə İsrail tərəfindən aviazərbələr endirilmişdi. Bu obyektin fəaliyyət göstərdiyi ehtimal edilir. ABŞ bu obyektlərdən birindən uranın zənginləşdirilməsi üçün istifadə olunmasından şübhələnir.

Sentyabrın 13-də Vaşinqtondakı Qeyri-Hökumət Təşkilatı - Beynəlxalq təhlükəsizlik və elmi problemlər İnstitutu Suriyanın hakimiyyət obyektlərində uran və başqa təhlükəli maddələrin yerləşdirildiyindən ehtiyatlandığını bəyan edib.