ABŞ-da yanğınlar 10 can aldı

ABŞ-ın Tennessi ştatında tüğyan edən yanğınlar nəticəsində ölənlərin sayı 10 nəfərə çatıb. APA-nın “RİA Novosti”yə istinadən verdiyi xəbərə görə, bundan əvvəl 7 nəfərin öldüyü bildirilmişdi. Son üç nəfərin yanmış cəsədi Sevi dairəsində aşkarlanıb. Ölənlərin kimliyini müəyyən etmək mümkün olmayıb.

Xilasetmə əməliyyatı başa çatmaq üzrədir, ərazilərin böyük hissəsi yoxlanılıb. Təxliyə olunmuş sakinlər noyabrın 2-dən etibarən evlərinə dönə biləcək.

Yanğınlar nəticəsində 74 nəfər xəsarət alıb, dairədə 700-dən çox binaya ziyan dəyib.