Polşanın Svebodzina şəhərində yaşayış binalarından birinin uçması nəticəsində ölənlərin sayı 6-ya çatıb.
APA-nın “RİA Novosti”yə istinadən verdiyi xəbərə görə, ölmüş kişinin meyiti uçqunlar altından çıxarılıb. Ölənlərdən ikisinin uşaq olduğu bildirilir. Xəsarət alanlardan dörd nəfəri dağıntılar altından sağ çıxarılıb.
Hazırda axtarış-xilasetmə işləri davam etdirilir.
İlkin məlumata görə, faciəyə səbəb qazın partlaması olub. Partlayış nəticəsində binaya ciddi ziyan dəyib.
**** 19.38
Polşanın Svebodzitse şəhərində yaşayış binalarından birində baş vermiş partlayış nəticəsində 3 nəfər ölüb, dörd nəfər xəsarət alıb.
APA-nın “Gazeta.ru”ya istinadən verdiyi xəbərə görə, partlayış nəticəsində bina uçub. İlkin məlumata görə, hadisə qaz balonunun partlaması nəticəsində baş verib.
Ölənlərdən ikisinin uşaq olduğu bildirilir.
Partlayış baş verən an binada 15 nəfər olub.
Hadisə yerində xilasetmə-axtarış işləri davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
