[b]İspaniyanın baş prokuroru Argentinada öldü[/b]

İspaniyanın baş prokuroru Xose Manuel Masa Argentinanın paytaxtı Buenos-Ayresdəki xəstəxanalardan birində vəfat edib. APA-nın “RİA Novosti”yə istinadən verdiyi xəbərə görə, bu barədə “Twitter” hesabında İspaniyanın baş naziri Mariano Raxoy yazıb.

Baş nazir 66 yaşlı X.M.Masanın yaxınlarına başsağlığı verib.

“El Mundo”nun xəbərinə görə, o ötən gün axşam saatlarında infeksiya səbəbindən xəstəxanaya yerləşdirilmişdi.

Xose Manuel Masa prokurorlarım assambleyasında iştirak etmək üçün Buenos-Ayresdə səfərdə idi.