[b]ABŞ-dan 38 rusiyalı oliqarxa yeni sanksiyalar [/b]

ABŞ Maliyyə Nazirliyi Rusiyaya qarşı sanksiyaları genişləndirib.

APA-nın xəbərinə görə, 38 rusiyalı iş adamına və rəsmi şəxsə, eləcə də 15 quruma qarşı yeni sanksiyalar tətbiq olunub.

Siyahıda Oleq Deripaska, Mixail Fradkov, Sergey Fursenko, Andrey Kostin, Viktor Vekselberq, Kirill Şamanov, Süleyman Kərimov kimi tanınmış iş adamlarının, "Qazprom"un rəhbəri Aleksey Miller, daxili işlər naziri Vladimir Kolokoltsev, Təhlükəsizlik Şurasının katibi Nikolay Patruşev, Federasiya Şurasının komitə sədri Konstantin Kosaçov və digər şəxslərin adları var.