TikTokla bağlı son gün - Tramp sabah qərar verəcək

ABŞ prezidenti Donald Tramp aprelin 2-də TikTok sosial şəbəkəsi ilə bağlı yekun qərarı nəzərdən keçirəcək.

Lent.az xəbər verir ki, bu barədə “CBS News” telekanalı mənbələrə istinadən məlumat yayıb.

Telekanalın məlumatına görə ABŞ-ın “Blackstone” investisiya şirkəti və “Oracle” texnologiya korporasiyası potensial investorlar arasında ola bilər.

Telekanal xəbər verir ki, görüşdə ABŞ-ın vitse-prezidenti J.D. Vens, ticarət naziri Hovard Lutnik, milli təhlükəsizlik müşaviri Mayk Uolts və Milli Kəşfiyyatın direktoru Tulsi Qabbard iştirak edəcək.

Qeyd edək ki, bundan əvvəl Donald Tramp TikTok sosial şəbəkəsini bloklamaq istəmədiyini və platformanın satışı ilə bağlı sövdələşmənin bağlanacağına əmin olduğunu bildirmişdi.