Honq Konq hava limanında qalxma zamanı təyyarənin şassisi partlayıb.
Lent.az xəbər verir ki, hadisə Honq Konq Beynəlxalq Hava Limanında baş verib.
İlkin məlumatlara görə, “Cathay Pacific” təyyarəsinin şassisi uçuş-enmə zolağı boyunca sürətlənərkən həddindən artıq istiləşmədən partlayıb. Təyyarənin kapitanı uçuşu dayandırmaq qərarına gəlib. Sərnişinləri təxliyə edilib.
Ən azı 18 nəfər yaralanıb.
Qalan 275 sərnişin isə xəsarət almayıb.
Hüquq-mühafizə orqanları hadisənin baş vermə şəraiti ilə bağlı araşdırmalara başlayıb.