Şimali Koreyadan daha bir raket -YENİLƏNİB

KXDR-in ballistik raketi ABŞ və onun müttəfiqləri üçün birbaşa təhlükə yaratmır.

Lent.az-ın xəbərinə görə, bunu ABŞ Silahlı qüvvələrinin Hind-Sakit okean komandanlığı bildirib.
Komandanlıq qeyd edib ki, raket ABŞ ərazisinə, ordusuna, eləcə də onun müttəfiqlərinə qarşı heç bir təhlükə yaratmayıb.

***

03.46

KXDR-dən buraxılan ballistik raket 400 km yol qət edib, uçuş yüksəkliyi 50 km olub.
Lent.az Yonhapa istinadla xəbər verir ki, bu barədə Yaponiyanın Müdafiə Nazirliyi bildirib.

Qeyd olunub ki, raket Yaponiyanın dənizdəki iqtisadi zonasından kənara düşüb.

***

02.34

Koreya Xalq Demokratik Respublikası (KXDR) Yapon dənizi istiqamətində növbəti ballistik raketi buraxıb.

Lent.az xəbər verir ki, bu barədə Yonhap agentliyi Koreya Respublikasının Qərargah Rəisləri Komitəsinə istinadla məlumat yayıb.
Məlumatda bildirilir ki, Şimali Koreya Yapon dənizi istiqamətində ballistik raket buraxıb.