Sərnişin avtobusu 50 metr hündürlükdən aşdı, ölənlərin və yaralıların sayı açıqlanıb -FOTO -YENİLƏNİB

Türkiyədə Qars valisi Türker Öksüz bildirib ki, qəza nəticəsində 7 nəfər ölüb, 22 nəfər yaralanıb.

Lent.az xəbər verir ki, Türkiyə ədliyyə naziri Yılmaz Tunç Qarsda hərəkətdə olan sərnişin avtobusunun şarampole aşması nəticəsində 7 nəfərin həyatını itirdiyi, 22 nəfərin yaralandığı qəza ilə bağlı sosial media hesabından paylaşım edib.

Tunc deyib:

"Qarsda baş verən yol qəzasında həyatını itirən vətəndaşlarımıza Allahdan rəhmət, ailələrinə və yaxınlarına səbr diləyirəm. Xəsarət alan vətəndaşlarımıza tezliklə şəfa diləyirəm. Lazımi məhkəmə istintaqına başlanılıb. Əziz millətimə başsağlığı diləyirəm."

***

11:41

Türkiyənin Qars bölgəsində 50 metr hündürlükdən aşan sərnişin avtobus ölənlərin sayı açıqlanıb.

Lent.az TRT Haberə-ə istinadən xəbər verir ki, ilkin məlumata görə 5 nəfər həyatını itirib, 23 nəfər yaralanıb.

Yaralılar təcili yardım maşınları ilə Ərzurum və Qarsdakı xəstəxanalara çatdırılıb.

Vəziyyəti ağır olan yaralı magistral yola enən təcili yardım helikopteri ilə Ərzuruma aparılıb.

***

10:49

Türkiyədə qəzaya düşən avtobusdan yaralıların çıxarılması üçün qruplar çalışır.

Lent.az “Anadolu Ağentliyi”nə istinadən bildirir ki, avtobus təxminən 50 metr hündürlükdən aşıb.