"Mən çox məmnunam ki, o, cəsarət və dözümlü olmağı tövsiyə edir, amma sizə demək istəyirəm ki, dözüm və bütün resurslar tükənib".
Lent az-ın yerli KİV-ə istinadən məlumatına görə, bu sözləri Mixeil Saakaşvilinin anası Giuli Alasania xüsusi brifinq zamanı Gürcüstanın katolikos-patriarxı II İliyanın məktubuna cavab verərkən deyib. Onun sözlərinə görə, Patriarxın “Yeni reallığı hiss et” deməsi anlaşılmaz ifadə olub:
“Patriarxın cəsarət və dözüm arzuladığı məktubunu aldıq. Nə vaxtadək dözüm arzulayır? Axı insan sonsuz varlıq deyil? İnsan nə vaxta qədər dözə bilər, hansı dözümdən söhbət gedir? “Yeni reallığı hiss et” deməsi mənim üçün bir az anlaşılmaz oldu. Yeni reallıq nədir, biz artıq dövlət deyilik və Rusiyanın quberniyasına çevrilmişik. Bugünkü reallığımız budurmu?", - deyə G. Alasania vurğulayıb.
Onun sözlərinə görə, Saakaşvilinin həyatı ölümlə başa çatarsa, Gürcüstanda artıq dövlətçilik olmayacaq.
Giuli Alasania
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
