Kanada Rusiyadan olan 14 fiziki və 34 hüquqi şəxsə, o cümlədən "Wagner" hərbi qrupu ilə əlaqəli şəxslərə, həmçinin Belarusun maliyyə sektoru ilə bağlı doqquz müəssisəyə sanksiyalar tətbiq edir.
Lent.az-ın TASS-a istinadən verdiyi məlumata görə, bunu çərşənbə axşamı Kanadanın baş naziri Castin Trüdo deyib.
“Bu gün biz 14 rusiyalıya və 34 təşkilata, o cümlədən Vaqner qrupu ilə əlaqəli olanlara qarşı yeni sanksiyalar elan edirik. Belarusun maliyyə sektoru ilə əlaqəli doqquz təşkilata qarşı sanksiyalar tətbiq edilir”, - deyə Trüdo bildirib.
Onun sözlərinə görə, Ottava Rusiya Federasiyasına təzyiqləri artırmaq üçün belə bir addım atıb.
Kanada həmçinin Tatarıstan Respublikasının rəhbəri Rüstəm Minnixanov və Rusiya müdafiə nazirinin müavini Nikolay Pankova da sanksiya tətbiq edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
