Rəisinin helikopterinin qəzaya uğraması ilə bağlı QƏRİBƏ FAKT

İran prezidenti İbrahim Rəisini daşıyan helikopter fövqəladə siqnalizasiya sistemi ilə hərəkətsiz uçub.

Lent.az-ın xəbərinə görə, Türkiyənin “Haberler” nəşrinin şərhçiləri İran prezidenti İbrahim Rəisinin də olduğu qəzaya uğrayan helikopterlə bağlı qəribə fakta diqqət yetiriblər. Materialda qeyd edilir ki, bölgədəki fövqəladə hallara cavab verməkdən məsul olan Türkiyə ilk olaraq helikopterin “sərt enişi” barədə məlumat aldıqdan sonra ondan gələn təcili siqnalın olub-olmadığını yoxlayıb. Lakin belə bir məlumat verilməyib.

Mətbuat Türkiyənin nəqliyyat və infrastruktur naziri Abdulkadir Uraoğlunun açıqlamasına da diqqət çəkib. O qeyd edib ki, İran tərəfi ilə operativ əlaqə saxlansa da, heç bir fövqəladə vəziyyət siqnalı aşkarlanmayıb.

"Biz bu siqnalları mütləq görərdik, lakin bu dəfə onlar olmayıb", - nazir deyib.

Türkiyə rəsmisi siqnalizasiya sisteminin ya sıradan çıxdığını, ya da tamamilə itdiyini irəli sürüb.

Təbii fəlakətlərin nəticələrinin aradan qaldırılmasına cavabdeh olan Türkiyə xüsusi təyinatlıları helikopterin axtarışına yardım etməyə çalışıb. “Akıncı” kəşfiyyat pilotsuz təyyarəsi helikopterin göyərtəsində olan hər kəsin həlak olduğunu təsdiqləyib.

Xatırladaq ki, İran prezidentini daşıyan helikopter mayın 19-da Azərbaycanla sərhədə yaxın dağlıq meşəlik əraziyə düşüb. Tehran qəzaya texniki nasazlığın səbəb olduğunu bildirib.